Deputat Razi Nurullayevin müavini dövləti Avropa Məhkəməsinə verib cərimə kəsdirdi. Tanınmış vəkil Əsabəli Mustafayev bir qrup müxalifətçinin Avropa Məhkəməsində Azərbaycan dövlətinə qarşı iddiasını təmin edildiyi haqda paylaşım edib.


Hərəsinə görə dövlətə qarşı 4500+1500+125 avro (təqribən 13 min AZN) cərimə kəsilib və adam başına ödənməsinə qərar verilib. Maraqlı burasındadır ki, radikal və dağıdıcı müxalifət sayılan bu şəxslərin iddialarını Avropa Məhkəməsi şanlı Qarabağ zəfərindən sonra daha da “operativ” şəkildə təmin edir. Ələlxüsus ermənilərin son təxribatında bu şəxslər Azərbaycanı Ermənistan ərazilərini işğal etməkdə suçlayıb ermənilərlə eyni mövqedən çıxış edirdilər. Digər məqam da ondan ibarətdir ki, hökumətə yumşaq münasibətdə olan, vaxtilə Əli Kərimlidən ayrılan partiyalardan birinin sədr müavini Rafiq Daşdəmirlinin adı da bu siyahıdadır.
Hazırda dövlət tərəfindən partiyalara maddi vəsait ayrılır və qəragahla təmin olunur. Bu necə olur ki, dövlətdən pul alan partiya sədrinin müavini eyni zamanda həmin dövləti Avropa Məhkəməsinə verib cərimə kəsdirir? Tofiq Yaqublu və Rafiq Daşdəmirli Gürcüstan əsilli olduqlarına görə mütəmadi olaraq Gürcüstanda erməni əsilli şəxslərlə görüşüb danışıqlar apardığı haqda da məlumatlar var. Tanınmış ictimai xadim Daşqın Gülməmmədov da bir qədər əvvəl bu barədə ictimaiyyətə açıqlama vermişdi. Bu siyahıdan belə qənaətə gəlmək olar ki, Tofiq Yaqublu, Rafiq Daşdəmirli, Gülağa Aslanlı kimi özünü müxalifət adlandırıb dağıdıcı mövqedə duranlar dövlətə qarşı hər fürsətdə zərbə vurmağa hazırdırlarlar. Zəruri qeyd ! Rafiq Daşdəmirlinin təmsil olunduğu Milli Cəbhə Partiyası bu gün dövlətin siyasətini dəstəkləyir, dövlətə və onun siyasətinə qarşı radikal çıxış etmir. Rafiq Daşdəmirli illər öncə Avropa Məhkəməsinə müraciət edib , təzminat davası edib. Partiya artıq bir neçə ildir siyasi profilini dəyişsə də Rafiq Daşdəmirli hələ də özünü ruhən radikal və dağıdıcı müxalifət kimi aparır. O , AXCP – dən ayrılandan sonra dövlətə qarşı bütün iddialarından vaz keçmək əvəzinə, bu gün illər öncə etdiyi şikayətin təzminatını alır.
Milli Cəbhə Partiyasında sədrin birinci müavini və aparat rəhbəri olan Rafiq Daşdəmirli hər halda niyə ikili oyun oynadığını bizdən yaxşı bilir.

Qarşı tərəfin də mövqeyini də dərc etməyə hazırıq.