YAP Laçın rayon təşkilatı sədrinin səyyar görüşləri davam edir
Sentyabrın 8-də YAP Laçın rayon təşkilatının sədri İlqar İlyasov Agcəbədi rayonu ərazisində Laçın sakinlərinin müvəqqəti məskunlaşdıqları 144 saylı Şeylanlı qəsəbəsində partiya fəalları və ictimaiyyət nümayəndələri ilə görüş keçirmişdir. Görüş iştirakçıları əvvəlcə 44 Günlük Vətən müharibəsində şəhid olmuş Laçın rayon Şeylanlı qəsəbə sakini Nəcəfov Etibar Mehman oglunun məzarı ziyarət etmişlər.
Görüşdə YAP Laçın rayon təşkilatının sədri İlqar İlyasov müstəqil Azərbaycan dövlətinin memarı və qurucusu Ulu Öndər Heydər Əliyevin siyasi kursunun təntənəsindən, YAP-ın VII qurultayından sonrakı dövrdə partiyada aparılan islahatlar, görülən müsbət işlər, Azərbaycan Respublikasının Prezidenti, YAP sədri, Müzəffər Ali Baş Komandan cənab İlham Əliyevin apardığı daxili və xarici siyasətdən, 44 günlük Vətən müharibəsindəki qələbədən, işğaldan azad edilmiş torpaqlarda aparılan quruculuq işləri və “Böyük Qayıdış”dan ətraflı söhbət açmışdır. Natiq bildirmişdir ki, Prezident İlham Əliyevin 31 iyul 2023-cü il tarixdə Azərbaycan Respublikasının işğaldan azad edilmiş əraziləri üzrə şəhər günləri təsis edilməsi haqqında imzaladığı Sərəncama əsasən, 26 avqust – Laçın şəhəri günü təsis olundu. Laçınlılar Prezident İlham Əliyevin və birinci xanım Mehriban Əliyevanın iştirakı ilə Laçın şəhər gününü təntənə ilə qeyd etdi. “Vətən müharibəsi bitəndən sonra qısa bir zamanda işğaldan azad edilmiş ərazilərimiz sürətlə dirçəlməyə başladı. Qarabağda, Şərqi Zəngəzurda quruculuq işləri vüsət aldı. Ata vəsiyyətini həyata keçirən, azərbaycanlıların başını ucaldan Prezident İlham Əliyevin və ölkəmizin həqiqətlərini, tarixini, mədəniyyətini dünyada təbliğ edən respublikanın Birinci vitse-prezidenti Mehriban Əliyevanın tarixi missiyası hələ davam edir. Onlar müasir tariximizin yeni səhifəsini açır, işğaldan azad edilmiş əraziləri yenidən canlandırırlar. Laçında müəssisələrin təməli qoyulur, açılışlar edilir, ora həyat qayıdır”.
Görüşdə partiya fəalları və yerli sakinlərlə səmimi söhbət aparılmış onların təklif və müraciətləri dinlənilmişdir. YAP Laçın rayon təşkilatı sədri İlqar İlyasov qaldırılan məsələlərə münasibət bildirmiş, təşkilatın əməkdaşları tərəfindən qeydlər aparılmış, müraciətlərin aidiyyatı təşkilatlar qarşısında qaldırılacagı və nəticəsi barədə vətəndaşların məlumatlandırılacagı vurğulanmışdır. Partiya üzvüləri və sakinlər keçirilən görüşdən məmnunluqlarını ifadə etmiş, onlara göstərilən diqqət və qaygıya görə Yeni Azərbaycan Partiyasının sədri, cənab Prezident, Müzəffər Ali Baş Komandan İlham Əliyevə ehtiramlarını və dərin minnətdarlıqlarını bildirmişlər.
