YAP Laçın rayon təşkilatının sədri İlqar İlyasov partiya üzvüləri ilə növbəti səyyar görüş keçirmişdir.
Yeni Azərbaycan Partiyası Laçın rayon təşkilatının sədri İlqar İlyasov Bakı şəhərində fəaliyyət göstərən 40 saylı Ərazi Partiya Təşkilatının üzvləri və həmin ərazidə yaşayan bir qrup Laçınlı ailələr ilə görüş keçirmişdir.
Tədbirdə çıxış edən İlqar İlyasov bildirdi ki, Azərbaycanın dinamik iqtisadi inkişafa malik qüdrətli ölkə kimi tanınması Heydər Əliyev ideyalarının təntənəsi və qələbəsidir. Ulu Öndərimiz Heydər Əliyevin yolu ilə Azərbaycanı inkişaf etdirən Prezident İlham Əliyev Ümummilli Liderimizin Azərbaycan üçün xilaskarlıq və rifah yolunu qətiyyətlə davam etdirərək, doğma Azərbaycanımızı Qalib Ölkəyə çevirmişdir.
İndi artıq əminliklə demək olar ki, münaqişəyə dəmir yumruqla son nöqtəni qoyan, iki əsrlik problemi həll etmiş Prezident İlham Əliyevin Qarabağı və Şərqi Zəngəzuru cənnətə çevirdiyi kimi, Xankəndi, Ağdərə, Xocavənd, Xocalı, Əskəranın da simasını dəyişdirəcəkdir.
Qalib xalqın Qalib Prezidenti, Müzəffər ordunun Ali Baş Komandanı, dünya azərbaycanlılarının Lideri İlham Əliyevin rəhbərliyi ilə bu gün Azərbaycanın qarşısında daha geniş üfüqlər açılmışdır.
Əminliklə deyə bilərik ki, həmişə olduğu kimi, bundan sonra da uzun illər xalqımız Prezident möhtərəm cənab İlham Əliyevin ətrafında sıx birləşərək böyük uğurlara imza atacaq.
Görüşdə Yeni Azərbaycan Partiyasının VII qurultayında qarşıya qoyulan məqsəd və uğurlarından söhbət açılaraq partiyanın proqram və nizamnaməsindən irəli gələn vəzifələrdən danşılıb. .
İlqar İlyasov qeyd edib ki, “Böyük Qayıdış” planı uğurla həyata keçirilir, 30 ildən artıq müddətdə öz ata-baba yurdlarından didərgin düşmüş sakinlərimiz doğma yurdlarına köçürülməsi prosesi uğurla icra edilir.
Görüş iştirakçıları bu cür tədbirlərin keçirilməsini müsbət dəyərləndirdiklərini bildirmiş, təklif və müraciətlərini çatdırmışlar.
Müraciətlər dinlənilmiş, tədbir iştirakçılarını maraqlandıran və narahat edən məsələlər dinlənilmiş və aidiyyatı üzrə təşkilatlara ünvanlamaq üçün qeydə alınmışdır.
