YAP Laçın rayon təşkilatı sədrinin partiya fəalları və sakinlər ilə görüşləri davam edir.
14 noyabr 2023-cü il tarixdə Yeni Azərbaycan Partiyası Laçın rayon təşkilatının sədri İlqar İlyasov Laçın rayon sakinlərinin bir qisminin müvəqqəti məskunlaşdıqları Ağcabədi rayonu Taxtakörpü ərazisində Qarıqışlaq obasında Qarıqışlaq kənd ərazi partiya təşkilatının partiya fəalları və kənd sakinləri ilə görüşü keçirilmişdir.
Görüşdə kənd sakinlərindən Fəzail Tağıyev, Mehralı Muradov, Fərman Əliyev, Afaq Nağıyeva, Bəyim İsmayılova, Pərvanə Məmmədova, Mirzaməd Mirzəyev çıxış edərək müzakirələrə qoşulmuşdurlar. Çıxışlarda ölkədə yaranmış əmin-amanlığa, xalqın rifah halının günü-gündən yüksəlməsinə görə Azərbaycan Respublikasının Prezidenti, Müzəffər Ali Baş Komandan cənab İlham Əliyevə və ölkənin birinci xanımı Mehriban Əliyevaya minnətdarlıq və təşəkkür ifadə olunmuşdur.
Görüşdə qaldırılan məsələlər ətraflı müzakirə edilərək qeydə alınmışdır.
Sonda sədr bir daha ərazi partiya təşkilatında olan partiya üzvləri qarşısında duran vəzifələrdən geniş danışmış və görüşə yekun vurmuşdur.
Görüş səmimi ruhda başa çatmışdır.