Lənkəranda meşədə 61 yaşlı kişinin meyiti tapılıb.

xebernur.com APA-ya istinadən xəbər verir ki, rayonun Diryan kəndindəki meşəlik ərazidə ağacdan asılmış vəziyyətdə aşkarlanan meyitin 1961-ci il təvəllüdlü kənd sakini olan Allahyar Rəhmətova aid olduğu müəyyənləşib. Onun idman müəllimi olduğu bildirilir. Mərhumun meyiti müayinə olunmaq üçün aidiyyəti üzrə təhvil verilib.

Hadisənin hansı səbəbdən baş verdiyi dəqiqləşdirilir.