İşğal zamanı tarixi- mədəni abidələrimizlə yanaşı sosial infrastruktur da məhv edilib

30 ilə yaxın Azərbaycan torpaqlarını işğalda saxlayan Ermənistan ərazilərdəki infrastruktur, yaşayış evləri və digər binaları dağıtmaqla kifayətlənməyib. Bu müddət ərzində erməni vəhşiləri işğal altındakı ərazilərdən Azərbaycanın başqa bölgələrinə bir damla suyun gəlməsinə imkan verməyib.
İşğal dövründə erməni terroruna məruz qalan su anbarlarında biridə Güləbird su anbarıdır.
Ermənistan Respublikası tərəfindən ərazilərimizin işğala məruz qalması ilə nəticələnən təcavüzkar müharibə beynəlxalq hüququn norma və prinsiplərinə sığmır, demək olar ki, terror aktı xarakteri daşıyırdı. İşğal olunmuş ərazilərdəki bütün mülki infrastruktur, o cümlədən meliorasiya və su təsərrüfatı obyektləri (su anbarları, irriqasiya sistemləri və s.) döyüşlər nəticəsində deyil, məqsədyönlü şəkildə tamamilə dağıdılmışdır. İşğaldan sonrakı dövrlərdə isə bu ərazilərdə kənd təsərrüfatı torpaqlarından istismar xarakterli istifadə olunmuşdur.
İşğaldan azad edilmiş ərazilərdə 2 ədəd su anbarı və 1 ədəd nasos stansiyası bunlar da dağıdılıb, talanıb, oğurlanaraq aparılmışdır.
Artıq Ali Baş Komandanımız cənab İlham Əliyevin rəhbərliyi ilə 2020-ci il sentyabr ayının 27-də Ermənistanın növbəti təxribatı ilə başlayan müharibə nəticəsində terrora, vandalizmə məruz qalan Azərbaycan torpaqları işğaldan azad edilmişdir.
Azad olunmuş ərazilərdə dərhal su təsərrüfatı komplekslərinin bərpası və inkişafı üzrə tədbirlər planı hazırlandı. İlkin mərhələdə əsas prioritet meliorasiya və su təsərrüfatı obyektlərinin təmir-bərpa işlərinin aparılmasıdır ki, artıq bu işlərə başlanılıb.
Cənab Prezident işğaldan azad olunmuş ərazilərdə dağıdılmış meliorasiya və su təsərrüfatı obyektlərində görüləcək işlər barədə danışarkən qeyd etmişdir ki, indi biz onları bərpa edirik və bərpa edəcəyik. Həkəriçay su anbarının tikintisi nəzərdə tutulur, yeni su anbarları olacaq.
Bəli, bu ərazilərdə həyatın yenidən canlanması üçün nəzərdə tutulan bütün meliorasiya və su təsərrüfatı sistemlərinin müasir səviyyədə yenidən qurulması, işlərin kompleks, dəqiq hesablanmış konturlar əsasında görülməsi və inkişafına nail olması bütün infrastruktur layihələr arasında həmişə prioritet yerdə olub və olacaqdır.
Prezident cənab İlham Əliyevin rəhbərliyi və dəstəyi ilə işğaldan azad olunmuş ərazilərdə meliorasiya və su təsərrüfatı obyektləri qısa müddətdə müasir standartlara uyğun yenidən qurulması və əhalinin istifadəsinə verilməsi qarşıya qoyulan əsas prioritet məsələlərdən biridir.

Aqil Əliyev
YAP Laçın rayon təşkilatının 5 saylı ƏPT sədri