Azərbaycan Texnologiya Universitetində (ATU) Azərbaycan Respublikası Elm və Təhsil Nazirliyi İqtisadiyyat İnstitutu tərəfindən “Azərbaycan bölgələrinin maliyyə özünüyetərliyi” adlı elmi seminar keçirilib.
Hər iki müəssisənin rəhbər heyəti və müvafiq professor-müəllim heyətinin iştirakı ilə baş tutan seminarda Azərbaycan Texnologiya Universitetinin rektoru v.m.i.e. dos. Yaşar Ömərov institut rəhbərliyini və əməkdaşlarını salamlayıb, daha sonra elmi tədqiqat institutları ilə əməkdaşlığın əhəmiyyətindən danışıb, seminar mövzusunun müvafiq sahənin gənc tədqiqatçıları və professor-müəllim heyəti üçün faydalı olacağınına əminlik ifadə edib.
Daha sonra İqtisadiyyat İnstitutunun baş direktoru, prof. Nazim Müzəffərli Maliyyə Nazirliyinin sifarişi əsasında institut tərəfindən aparılan “Azərbaycan bölgələrinin maliyyə özünüyetərliyi” adlı tədqiqat işi və nəticələri barədə məruzə ilə çıxış edib. Bildirib ki, kitab şəklində nəşr edilmiş tədqiqat işi Azərbaycanın bölgələri üzrə aparılsa da, təklif edilən yanaşma digər ölkələrdə də tətbiq oluna bilər.
Seminar çərçivəsində elmi-tədqiqat işlərinin mövcud vəziyyətinə dair fikir mübadiləsi aparılıb, tədbir iştirakçılarının sualları cavablandırılıb.
DOVLETXEBERLERİ