Anar Əliyev Şuşada Şuşa və Xocavənd sakinlərini qəbul edib

Kanal15.tv com xəbər verir ki, Əmək və əhalinin sosial müdafiəsi naziri Anar Əliyev Şuşa şəhərində Şuşa və Xocavənd rayonlarının sakinləri ilə görüş keçirib.

Qəbuldan əvvəl nazir Ümummilli Lider Heydər Əliyevin büstünü ziyarət edib, önünə gül dəstəsi qoyaraq onun əziz xatirəsini ehtiramla yad edib.

Görüş zamanı sakinlərin sosial müdafiə, məşğulluq və digər məsələlərlə bağlı müraciətləri dinlənilib. Hər bir müraciət araşdırılıb, qaldırılan məsələlərin həlli istiqamətində nəticələrinə uyğun müvafiq tədbirlərin görülməsi təmin edilib.

Qəbul çərçivəsində nazir, həmçinin özünüməşğulluq proqramı əsasında Şuşa şəhərində yaradılmış kiçik biznes sahələrindən birinə baxış keçirib, proqramın icrası ilə bağlı görülən işlərlə tanış olub.