“Lion Centre”MMC-nin idxal etdiyi mallar gömrükdən niyə buraxılmır?


“Hal-hazırda 24.04.2025-ci il tarixli OKS2025000000062 saylı invoys üzrə 01251000204009 saylı gömrük bəyannaməsi və 10.02.2025-ci il tarixli PL658 invoys üzrə 01251000197015 saylı gömrük bəyannaməsi ilə rəsmiləşdirilən mallarımın buraxılışı gecikdirilir. “Lion Centre”MMC-nin iflasa uğramasına dair haqsız tədbirlər həyata keçirilir”.
Bu barədə saytımıza açıqlamasında MMC-nin direktoru Ramil Aslanov məlumat verib.
O, bildirib ki, Bakı Baş Gömrük İdarəsinin rəisi Elmir Ramazanov tərəfindən onun sahibkarlıq fəaliyyətinə qəsdən maneələr yaradılır:
“Burada Bakı Baş Gömrük İdarəsinin mənə qarşı süni əngəl yaradılması faktı şər-böhtanlarla “Lion Centre” MMC-nə qarşı maneəçilik yaratmaqları açıq aşkar özünü əks etdirir və sübuta yetirir. Dövlət Gömrük Komitəsinin Əməliyyat və İstintaq İdarəsi, Bakı Baş Gömrük İdarəsinin rəisi Elmir Ramazanov ilə birgə kompaniya tipli təzyiq formasına qoşulması açıq aşkar göz önündədir və buda bir daha sübuta yetirilir. Belə ki, xeyli vaxt keçməsinə baxmayaraq ölkəyə idxal etdiyim mallar gömrükdən buraxılmır və qəsdən anbarda saxlanılaraq dəfələrlə sayım prosesi həyata keçirilib. Bu yolla uydurma əsassız qiymətlərlə mənə təzyiq edərək artıq pul ödəməyə məcbur edirlər. Həmçinin məhsulların sıradan çıxmasını, satış təsvirinin pozulması ilə mənim biznes nüfuzumu zədələməyi planlaşdırırlar”.

Qeyd edək ki, bir müddətdir R.Aslanov gömrük orqanlarında üzləşdiyi problemlərlə bağlı məhkəmələrə və mətbuata müraciət edir. O, bəzi məmurların fəaliyyətini qəsdən pozduğunu və ona süni maneələr yaratdığını iddia edir.