Futbol üzrə Almaniya çempionatının - Bundesliqanın altıncı turunun mərkəzi qarşılaşmasında “Bavariya” Münxendə “Leypsiq”i qəbul edib.

Kanal15Tv.com xəbər verir ki, görüşdə münxenlilər rəqibi darmadağın ediblər – 6:1. Ev sahiblərinin heyətində Luiş Dias het-trik edib. O, görüşün 12-ci, 47-ci və 69-cu dəqiqələrində fərqlənib. Komandanın digər qollarını Aleksandar Pavloviç (26), Mişel Olise (34) və Harri Keyn (54) vurublar. “Leypsiq”in təsəlli qolunu isə matçın sonunda (90+1) Andriya Maksimoviç vurub.

Dortmundun “Borussiya” klubu bu turda paytaxt səfərində xal itirib. Berlində “Union” ilə görüş qolsuz heç-heçə başa çatıb. “Verder Bremen” – “Paderborn” görüşü də heç-heçə başa çatıb – 2:2.

“Hamburq” öz meydanında “Ştutqart”ı, “Maynts” isə səfərdə “Şalke”ni minimal hesabla məğlub edib – 1:0. Ümumilikdə yeddi qolun vurulduğu “Elversberq” – “Auqsburq” görüşündə ev sahibləri qalib gəliblər – 4:3.

Tura sabah keçiriləcək “Bayer” – “Frayburq” və “Borussiya Mönxenqladbax” – “Hoffenhaym” görüşləri ilə yekun vurulacaq. Bu turun açılış matçında isə Frankfurtun “Ayntraxt” klubu ev oyununda “Köln”ə qalib gəlib – 1:0.

Altı turdan sonra “Bavariya” və “Borussiya Dortmund”un 14 xalı var. Hesabında 13 xal olan “Frayburq” liderliyi qorumaq üçün sabahkı görüşdə mütləq qalib gəlməlidir.