Laçın Rayon İcra Hakimiyyətinin şəhər, qəsəbə,kənd inzibati ərazi dairələri üzrə nümayəndəliklərinin tədbirlər planına uyğun olaraq 06.11.2025-ci il tarixində Kamallı kənd İƏD-nin əməkdaşları və Laçın rayon Kamallı kənd mədəniyyət evinin müdüri Minarə Mirzəyeva şəhid Sədi Fərmanov adına Laçın rayon Kamallı kənd tam orta məktəbinin “Zəfər Günü” münasibətilə hazırladıqları tədbirdə iştirak etdilər. Tədbirdə ilk öncə torpaqlarımız azadlığı uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edildi, daha sonra isə Azərbaycan Respublikasının dövlət himni səsləndirildi.
Tədbirdə çıxış edənlər şəhidlərimizin işğal altında olan torpaqlarımızın azad edilməsi uğurunda göstərdikləri igidlik salnamələrindən söhbət açmış, onların keçdiyi şərəfli döyüş yollarından və azad olunmuş torpaqlarımıza olunan böyük qayıdışdan danışmışlar.
Ali Baş Komandan, cənab İlham Əliyevin rəhbərliyi ilə Müzəffər Ordumuzun igidliyi, qəhrəmanlığı sayəsində torpaqlarımız,işğaldan azad edildi.
Şükürlər olsun ki, Azərbaycanın üçrəngli bayrağı azad edilmiş ərazilərimizdə qürurla dalğalanır.
Zəfərin mübarək azad Azərbaycan !