Azərbaycan Texnologiya Universiteti rebrendinq etdi
Azərbaycan Texnologiya Universitetində yeni domenin, veb-saytın və loqonun təqdimatı keçirilib.
Tədbirdə yeni atu.edu.az domeni, eyni domen altında istifadəyə verilmiş veb-sayt və ATU loqotivi barədə geniş təqdimatla strateji inkişaf və rəqəmsallaşma məsələləri üzrə müşavir Mehman Kərimov çıxış edib. O yeni veb-saytın üstünlüklərindən danışaraq bildirib ki, 3 dildə fəaliyyət göstərən rəsmi sayt və elmi jurnallardan ibarət alt bölmələr təhlükəsizlik tələblərinə cavab verməklə yerli və xarici tələbələr, eləcə də tədqiqatçılar üçün daha informativdir.
M.Kərimov daha sonra “brend kitabı”nı təqdim edib, bildirib ki, burada əks olunan yeni ATU loqotivi universitetin Ulu Öndər Heydər Əliyev tərəfindən əsasının qoyulduğu 1970-ci il tarixini, ağ-bənövşəyi çalarlardan ibarət olmaqla ornament etibarı ilə texniki və texnoloji elmləri ifadə edir.
DOVLETXEBERLERİ
