Ərdoğan Kahramanmaraşdadır - YENİLƏNİB
Xebernur.com Türkiyə mətbuatına istinadən xəbər verir ki, Ərdoğanı daşıyan təyyarə artıq Kahramanmaraşa eniş edib.
***
Türkiyə Prezidenti Rəcəb Tayyib Ərdoğan zəlzələ bölgəsinə gedir.
"Anadolu" agentliyinə istinadən xəbər verilir ki, prezident artıq yola düşüb.
O, əvvəlcə Kahramanmaraşın Pazarcık rayonuna baş çəkəcək və prosesi şəxsən koordinasiya edəcək.
***
Türkiyə Prezidenti Rəcəb Tayyib Ərdoğan sabah zəlzələ bölgəsinə gedəcək.
Xəbər verilir ki, bu barədə Türkiyə lideri özü məlumat verib.
"İnşallah sabah səhər zəlzələ baş verən ərazilərə gedəcəyəm", - Ərdoğan deyib.
Xatırladaq ki, fevralın 6-da yerli vaxtla saat 4:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ qeydə alınıb. Son məlumatlara görə, Türkiyədə ötən gün baş verən zəlzələ nəticəsində həlak olanların sayı 5434 nəfərə, təbii fəlakət zamanı yaralananların sayı isə 31 777 nəfərə çatıb.
