Bu gün təhsil sistemində rüşvət faktoru mövcuddur.

Bunu kimsə inkar etmir. Cəmiyyətin təmsilçilərindən biri olaraq, hər zaman üzləşdiyimiz hallardan biridir.
Qohumlar, qonşular, dostlar vasitəsilə tez-tez bu mövzuda şikayətlər eşidirik.
Uşaq bağçasından tutmuş ali məktəblərə qədər hər yerdə neqativ halların olduğu deyilir.

Təbii ki, Təhsilimizi çökdürən təkcə bu deyil.
Dəhşətlisi odur ki, Orta məktəblərdə vəziyyət daha dözülməzdir.
Bayram və digər əlamətdar günlərdə valideynlərdən müəllimlərə hədiyyə pulu yığmayan məktəblər barmaqla sayılası qədərdir.
Bu gün orta məktəblərə müəllim kadrları əsasən imtahan yolu ilə müəyyənləşir.
Lakin texniki personalın təyinatı direktorların səlahiyyətindədir.
O vəzifələrə isə təyinatın da öz "qaydaları” var.

Rüşvəti yaradan səbəblərə toxunan əsas səbəbkar vəzifəli şəxslər: məktəb direktorları və direktor müavinləridir:

"Rüşvətə səbəb ilk növbədə əməkhaqqının aşağı olmasıdır.
Bu gün diaqnostik qiymətləndirmədən (DQ) keçmiş, hələ əməkhaqqı qalxmamış yüzlərlə müəllim var.
Elə məktəblər də var ki, məktəb direktorları 210 manat vəzifə maaşı alırlar.
Eləcə də DQ-dən keçmiş, əməkhaqqı qalxmış müəllimlər ölkə prezidentinin 994 nömrəli sərəncamı ilə 18-ci dərəcəli əməkhaqqı alırlar ki, bu da təqribən 425 manat edir.
Məsələ burasındadır ki, hazırda məktəb direktoru və direktor müavinlərinin əməkhaqqı həddindən artıq aşağıdır.
Bunun üçün də Təhsildə rüşvətxorluq baş alıb gedir.

Düşünürəm ki, rüşvət almamaq üçün ilk növbədə məktəb direktoru və direktor müavinlərinin əməkhaqqı 2 dəfə qaldırılmalı, onların əməkhaqqının tənzimlənməsi üçün uşaq və sinif sayı nəzərə alınmaqla cədvəl hazırlanmalıdır.

Direktorların əməkhaqqı 1000 manatdan aşağı, direktor müavinlərininki isə 700-800-dən aşağı olmamalıdır.

Eyni zamanda, əməkhaqqının artırılması ilə yanaşı, peşəkarlığın artırılması üzərində işləmək, o cümlədən, direktor və direktor müavini imtahanlarının şəffaf keçirilməsinə çalışmaq əsas şərtlərdən biridir.
Rüşvəti yaradan səbəblərdən biri də yaranmış sistemsizlikdir. Ümumtəhsil məktəblərində konkret olaraq hansısa bir məsələ ilə bağlı nazirlik tərəfindən işlənmiş sistem yoxdur.

Tərəflər var- təhsilalan, təhsilverən, təhsilalanların valideynləri və s. Ancaq konkret olaraq bu proses sistem halında deyil.
Ona görə də neqativ halların olması üçün şərait yaranır.
Həmin şəraitdən də rüşvətə meyilli olan müəssisə rəhbərləri istifadə edirlər”.

Qeyd edək ki,xebernur.com saytına şikayət əsasında daxil olan məlumata görə Bakı şəhəri Xətai rayonu 17 nömrəli orta məktəb fəaliyyətinin yoxlanılmasına dair, Təhsil Nazirliyindən daxil olmuş material Baş prokuror yanında Korrupsiyaya qarşı Mübarizə Baş İdarəsi adı çəkilən məktəbi araşdırsın.
Çünki burada rüşvətxorluq baş alıb gedir.

Təsəvvür edin ki, Məktəbin direktoru Nazilə Əliyeva və onun köməkçisi Tahir adlı şəxs məktəbi talayır.
Hər sinifin müəllimələrindən 20. 30. 50 azn pul tələb edir.