Məktəbdə pedaqoji şuranın növbəti iclası keçirildi. İclasda direktor respublikanın Əməkdar müəllimi Yaqut Sadıqova çıxış edərək Azərbaycan Respublikası Elm və Təhsil nazirinin “Ümumtəhsil məktəblərində 2022-2023-cü tədris ilinin təşkili” barədə əmrində tədris ili üçün nəzərdə tutulanları bir daha müəllimlərin diqqətinə çatdırdı. Həmçinin I yarımilin hesabatı, Respublika Fənn Olimpiadalarının birinci turunun nəticələri, Fənn müsabiqələrinə hazırlıq və VI, VII, IX siniflərdə keçirilən monitorinqlərin nəticələri təhlil edildi.
TTİ üzrə direktor müavini Rəfiqə Xanəliyeva təhlilləri slaydlar vasitəsi ilə təqdim etdi.
Məktəb psixoloqu Ülviyyə Ağayeva risk qrupuna daxil olan şagirdlər haqqında, təşkilatçı Edelya İsmayılova davamiyyət və dərsə gecikmə halları barədə məlumat verdi.
