YAP Laçın rayon təşkilatı "Heydər Əliyev və Azərbaycançılıq ideologiyası" mövzusunda ümumrayon müsabiqəsinə start verdi.
Azərbaycan Respublikası Prezidenti İlham Əliyevin 2022-ci il 8 noyabr tarixli 3623 nömrəli Sərəncamı ilə təsdiq edilmiş “Azərbaycan Respublikasında 2023-cü ilin “Heydər Əliyev İli” elan edilməsi ilə əlaqədar olaraq Yeni Azərbaycan Partiyası Laçın rayon təşkilatının təşkilatçılığı ilə Şərqi Zəngəzur Regional Təhsil İdarəsinin Laçın rayon təhsil sektoru, Laçın rayon Gənclər və İdman idarəsi və Laçın rayonu üzrə mədəniyyət müəssisələrinin birgə iştirakı ilə Ulu Öndər Heydər Əliyevin anadan olmasının 100 illiyinə həsr olunmuş "Heydər Əliyev və Azərbaycançılıq ideologiyası" mövzusunda - İnşa yazı, bədii qiraət, rəsm, şahmat, mini futbol, voleybol, mahnı və saz nominasiyalari üzrə ümumrayon müsabiqəsinə start verildi.
Bunula əlaqədar YAP Laçın rayon təşkilatının qərargahında müsabiqə təşkilatçılarının toplantısı keçirildi.
YAP Laçın rayon təşkilatının sədri İlqar İlyasov Azərbaycan xalqının Ümummilli Lideri, Ulu Öndər Heydər Əliyev irsindən geniş söhbət açaraq keçiriləcək müsabiqə ilə bağlı qarşıda duran vəzifələri təşkilatçılarının diqqətinə çatdırmışdır.
Tədbirdə müsabiqə ilə bağlı bir sıra məsələlər müzakirə edilmiş, müsabiqənin yüksək peşəkarlıq və təlimatlara uyğun nəzərdə tutulmuş vaxtda təşkili və yekunlaşdırılması ilə bağlı tövsiyələr verilmişdir.