Qaradağ rayonunun Səngəçal qəsəbəsində yerləşən şəhid Fəzail Qədimov adına 222 saylı tam orta məktəbdə məktəblilərarası fənn müsabiqələrinin məktəb mərhələsi keçirilib.

Tədbirin məqsədi şagirdlərin bilik və bacarıqlarının aşkara çıxarılması, onların sağlam rəqabət mühitində inkişafına şərait yaratmaq və fənlərə marağın artırılması olub. Müsabiqədə müxtəlif siniflər üzrə şagirdlər iştirak edərək öz biliklərini nümayiş etdiriblər.
Müsabiqə zamanı şagirdlərin məntiqi düşünmə, analitik yanaşma və problem həll etmə bacarıqları qiymətləndirilib. Yüksək nəticə göstərən iştirakçılar növbəti mərhələdə məktəbi təmsil etmək hüququ qazanıblar.
Məktəb rəhbərliyi bu cür tədbirlərin şagirdlərin təhsil göstəricilərinə müsbət təsir göstərdiyini və gələcəkdə də davam etdiriləcəyini bildirib.