Bakıda restoranda kütləvi zəhərlənmə – 14 nəfərdən 5-i xəstəxanaya yerləşdirilib

Bakının Nizami rayonunda yerləşən “Qızıl Qaya” restoranında kütləvi qida zəhərlənməsi baş verdiyi iddia olunur.

Kanal15.tv com APA-ya istinadən verdiyi məlumata görə, hadisə Mikayıl Əliyev küçəsi, 131 ünvanında yerləşən restoranda qeydə alınıb.

Bildirilib ki, restoranda əlilliyi olan təxminən 34 nəfərin iştirakı ilə toplantı keçirilib. Tədbirdə iştirak edən şəxslərdən 14-ü qidadan zəhərləndiyini bildirib.

Məlumata görə, zərərçəkənlərdən 5-i vəziyyətlərinin ağır olması səbəbindən xəstəxanaya aparılıb.

Hadisə ilə bağlı Azərbaycan Qida Təhlükəsizliyi Agentliyinin (AQTA) əməkdaşları restorana cəlb olunaraq araşdırmalara başlayıblar.

Faktla bağlı araşdırma aparılır. Zəhərlənmənin səbəbləri və hadisənin digər təfərrüatları araşdırmanın nəticəsindən sonra məlum olacaq.