Beynəlxalq Muğam Mərkəzində Mədəniyyət Nazirliyinin "Səhnədən səngərə: Qazilər" layihəsi çərçivəsində tədbir baş tutub.

Sonxeber.az-ın məlumatına görə, layihə Mədəniyyət Nazirliyinin Vətən müharibəsinin iştirakçısı olan, igidlik və rəşadət göstərən mədəniyyət işçilərinə həsr olunub.

Mərasimdə mədəniyyət naziri Anar Kərimov da iştirak edib. O, çıxışında müharibədə iştirak edən mədəniyyət işçilərinin mədəniyyət sahəsində də qəhrəman olduqlarını vurğulayıb.

Sonda qazilər fəxri fərmanla təltif olunublar.

Tədbir bədii hissə ilə davam edib, qazilərin ifasında rəqs və musiqi nümunələri təqdim olunub.

Nazir tədbirdən sonra qazilərlə xüsusi olaraq söhbət edib.

Aysel SƏFƏRZADƏ