3 Dekabr Beynəlxalq Əlillər Günü münasibətilə tədbir keçirilmişdir
Tədbirdə Millət vəkili Aqil Məmmədov, Abşeron rayon İcra Hakimiyyətinin müavini Gülnar Rəhimova, İstedadlı Əlillər İctimai Birliyinin sədri Qubad Qasımov, Abşeron rayon İcra Hakimiyyəti yanında İctimai Şuranın sədri Şəhid Elçin Həsənlinin anası Xatirə İsmayılova, tanınmış Əməkdar artistlər Yusif Mustafayev, Babək Niftəliyev, Şəhid ailələri, qazilər və əlilliyi olan şəxslər iştirak ediblər.
İlk öncə Ulu Öndər Heydər Əliyevin və torpaqlarımızın ərazi bütövlüyü uğrunda Şəhid olan həmvətənlərimizin əziz xatirəsini bir dəqiqəlik sükutla yad edilib, Azərbaycan Respublikasının Dövlət himni səsləndirilib.
Tədbirdə çıxış edən Millət vəkili Aqil Məmmədov, Abşeron rayon İcra Hakimiyyətinin müavini Gülnar Rəhimova və digər natiqlər bildiriblər ki, bu cür tədbirlərin keçirilməsində əsas məqsəd
fiziki məhdudiyyətli olan vətəndaşlarımızın cəmiyyətə inteqrasiyasına dəstək olmaq, fiziki məhdud gəncləri peşə təlimlərinə, Paralimpiya idmanlarına cəlb etməkdən ibarətdir. Eyni zamanda fiziki məhdudiyyətli olan şəxsləri cəmiyyətimizin inkişafında aktivlik göstərməsinə, müxtəlif tədbirlər və layihələrdə iştirak etmələrinə, sosial aktiv vətəndaşların bu sahəyə diqqətini yönəltmək və fiziki imkanları məhdud insanlara dəstək olmaq layihənin məqsədləri sırasına daxildir. Natiqlər gündəlik mövzu ilə əlaqədar olaraq ölkə Prezidenti İlham Əliyevin geniş miqyaslı sosialyönlü layihələrin həyata keçirilməsinədən, əlilliyi olan şəxslərin reabilitasiyasından, cəmiyyətin həyatında tam həcmdə iştirakını və sosial inteqrasiyasına şərait yaradılmasından geniş söhbət açıblar.
Daha sonra əlilliyi olan şəxslərin əl işlərindən ibarət sərgiyə baxış keçirilib. İstedadlı Əlillər İctimai Birliyi tərəfindən fiziki qüsurlu olan fəal əlillərə Fəxri fərmanlar təqdim olunub.
Sonda Əməkdar artist Yusif Mustafayevin, Babək Niftəliyevin və əlilliyi olan müğənnilərin ifasında müxtəlif musiqi nömrələri səsləndirilib.
