Kiyevə raket hücumunda 2 nəfər ölüb, 6 nəfər yaralanıb
Rusiya qüvvələrinin sentyabrın 24-nə keçən gecə Kiyevə ballistik raketlərlə hücumu nəticəsində 2 nəfər ölüb, 6 nəfər yaralanıb.
Modern.az xəbər verir ki, Reuters bu barədə Kiyev meri Vitali Kliçkoya istinadən məlumat yayıb. Merin sözlərinə görə, ölənlərdən biri doğum evinin dayanacağında olub. Yaralılardan üçü tibb işçisidir, iki nəfərin vəziyyəti ağırdır.
Raket qalıqları paytaxtın üç rayonuna düşüb. Doğum evinin fasadı, yaxınlıqdakı poliklinika, yaşayış binası və fərdi evlərə ziyan dəyib.
