Şəhid Şahvələdov İlyas Ehtibar oğlunun doğum günündə xatirəsi anılıb

Şəhid Şahvələdov İlyas Ehtibar oğlunun doğum günü münasibətilə Yeni Azərbaycan Partiyası Laçın Rayon Təşkilatının əməkdaşları, Laçın rayon İcra Hakimiyyətinin nümayəndələri, YAP fəalları, Şəhidin ailə üzvləri və ictimaiyyət nümayəndələri şəhidin məzarını ziyarət etdilər.
Şəhidlərimizin ruhuna dualar oxundu, Azərbaycanın suverenliyi, ərazi bütövlüyü və torpaqlarımızın azadlığı uğrunda canından keçən Vətən övladlarının xatirəsi anıldı.
Tədbirdə çıxış edənlər Müzəffər Ali Baş Komandan Cənab İlham Əliyevin rəhbərliyi ilə rəşadətli Azərbaycan ordusunun torpaqlarımızı işğaldan azad etməsindən, 44 günlük müharibədə ordumuzun şücaətlərindən danışdı.
Şəhidin ailə üzvləri, Şəhid ailələrinə, Qarabağ qazilərinə və döyüşçülərinə göstərilən dövlət qayğısına görə cənab Prezident İlham Əliyevə və ölkənin 1-ci vitse-prezidenti Mehriban xanım Əliyevaya dərin təşəkkürünü və minnətdarlığını bildirdilər.