Alliqator İdman Klubunun Tələbələri Respublika Çempionatında Uğur Qazanıblar

Məştağada fəaliyyət göstərən "Alliqator" İdman Klubunun Kingboxing üzrə məşq edən idmançıları 29-cu Azərbaycan birinciliyi ilə əlaqədar keçirilən Respublika Çempionatında yüksək nəticələr əldə ediblər.

Klubun üzvü Zəkiyev Ağahüseyn möhtəşəm çıxışı ilə Azərbaycan çempionu adını qazanmışdır. Digər iki idmançı – Əskərli Zakir və Quliyev Hüseyn isə öz çəkilərində mübarizə apararaq Azərbaycan üçüncüsü titulunu əldə ediblər.

Bu uğurlu nəticələr klubun peşəkar məşqçisi Əfqan müəllimin illərlə apardığı əzmkar və səbirli məşq prosesinin nəticəsidir. Onun rəhbərliyi altında yetişən idmançılar bir daha sübut etdilər ki, yerli klublarımızda böyük potensial var.

"Alliqator" İdman Klubunun kollektivi və bütün idmansevərlər adından Əfqan müəllimi və gənc idmançılarımızı ürəkdən təbrik edir, gələcək yarışlarda da uğurlar arzulayırıq!