Müasir Azərbaycan dövlətinin qurucusu
15 iyun – Milli Qurtuluş Günü ilə əlaqədar olaraq YAP Lerik rayon təşkilatı, Lerik Rayon İcra Hakimiyyəti və Lerik Rayon Gənclər və İdman İdarəsinin birgə təşkilatçılığı ilə YAP Lerik rayon təşkilatında “Heydər Əliyev Azərbaycan xalqının xilaskarı, müasir Azərbaycan dövlətinin qurucusudur” adlı tədbir keçirildi.

Xəbər verilir ki, tədbirdə Lerik Rayon İcra Hakimiyyətinin başçısının müavini Habil Məlikov,YAP Lerik rayon təşkilatının sədri Malik Mirzəyev, Qarabağ Müharibəsi Əlilləri Veteranları və Şəhid ailələri ictimai birliyinin Lerik rayon filialınln sədri Veysəl Məlikov,Lerik Rayon Gənclər və

İdman İdarəsinin müdri Natiq İsaqov, Lerik Dövlət Rəsm Qalereyası müdri,şəhid atası Mükafat Yaqubov iştirak etmişlər.

İlk öncə Ümummilli lider Heydər Əliyevin abidəsi ziyarət edildi,önünə tər gül-çiçəklər qoyuldu, sonra Ulu Öndər Heydər Əliyevin və Vətən torpaqlarının azadlığı uğrunda canından keçən şəhidlərin xatirəsi bir dəqiqəlik sükutla yad edildikdən sonra YAP Lerik rayon təşkilatının sədri Malik Mirzəyev giriş sözü ilə 15 iyun – Milli Qurtuluş Gününün əhəmiyyətindən və Ümummilli Lider Heydər Əliyevin misilsiz xidmətlərindən bəhs etdi.Malik Mirzəyev çıxışında qeyd edib ki, 1992-ci ildə güc yolu ilə siyasi hakimiyyəti ələ keçirən AXC-Müsavat iqtidarının səriştəsizliyi, dövlət idarəçiliyi sisteminin olmaması, 1993-сü ilin əvvəllərindən ölkədə fəaliyyət göstərən silahlı dəstələrin yol verdikləri başıpozuq fəaliyyət, ölkənin daxilində qardaş qırğını və vətəndaş müharibəsinə zəmin yaranması, ayrı-ayrı bölgələrdə separatçılıq və parçalanma meyllərinin baş qaldırması Azərbaycanı bir dövlət kimi varlığına son qoyulması ilə üzləşmişdi. Belə bir mürəkkəb zamanda - 1993-cü il iyunun 9-da Azərbaycan xalqının təkidi ilə ulu öndər Heydər Əliyev Bakıya dəvət olunub və ölkənin xaos, vətəndaş qarşıdurması, dövlət müstəqilliyinin itirilməsi təhlükəsindən xilas edilməsi istiqamətində tarixi missiyasını həyata keçirmişdi.

Çıxış edən Lerik Rayon İcra Hakimiyyətinin başçısının müavini Habil Məlikov 1993-cü ilin iyununda xalqın təkidli və israrlı tələbi ilə yenidən siyasi hakimiyyətə qayıdan Ulu Öndər Heydər Əliyevin sonsuz Vətən sevgisi, zəngin dövlətçilik təcrübəsi, qətiyyətli iradəsi misilsiz xilaskarlıq missiyasından bəhs etdi.

Lerik Rayon Gənclər və İdman İdarəsinin rəisi Natiq İsaqov çıxış edərək məhz milli Qurtuluş Günü gənclərimizin daha rahat, firavan həyat sürməsinə şərait yaratmış və nəticədə milli dəyərlərə söykənən, vətəninə, xalqına bağlı olan müasir düşüncəli gənc nəslin formalaşdırılmasının, gəncliyin potensialından dövlətin inkişafı naminə istifadə edilməsinin əsası qoyuldu bildirmişdir.

Tədbirdə çıxış edən Lerik Dövlət Rəsm Qalereyası müdri,şəhid atası Mükafat Yaqubov Milli Qurtuluş Gününün əhəmiyyətindən, müstəqil dövlətimizin qurulmasında və möhkəmlənməsində ümummilli lider Heydər Əliyevin misilsiz xidmətlərindən danışıb. O qeyd edib ki, 44 günlük Vətən müharibəsində əldə olunmuş möhtəşəm Zəfərin əsası məhz 15 iyun 1993-cü ildə ulu öndər Heydər Əliyevin ölkə rəhbərliyinə yenidən qayıdışı ilə qoyulub.

Daha sonra Ulu Öndər Heydər Əliyevin həyat və yaradıclığından bəhs edən videoçarx nümayiş etdirildi.

Sonda Yeni Azərbaycan Partiyasına yeni qəbul olunanlara üzvlük vəsiqələri təqdim edildi.