2026-cı il 1 oktyabr tarixdə prokurorluq əməkdaşlarının peşə bayramı münasibəti ilə Laçın Rayon İcra Hakimiyyətində tədbir keçirilmişdir.
Əvvəlcə rayon rəhbərliyi, Laçın Rayon Prokurorluğunun əməkdaşları, rayonun hüquq mühafizə orqanlarının rəhbərləri, idarə, müəssisə, təşkilat rəhbərləri, inzibati ərazi dairələri üzrə nümayəndəliklərin işçiləri Laçın Rayon İcra Hakimiyyətinin inzibati binasının qarşısında ucaldılmış Ulu Öndər Heydər Əliyevin büstü önünə tər çiçəklər düzərək, Ümummilli liderin əziz xatirəsini ehtiramla yad etmişlər.

Daha sonra Laçın Rayon İcra Hakimiyyətinin başçısı Aqil Nəzərli Laçın Rayon Prokurorluğunun əməkdaşlarını peşə bayramı və prokurorluq orqanlarının yaranmasının 108 illiyi münasibəti ilə təbrik edərək onlara çətin, məsuliyyətli və şərəfli peşələrində uğurlar arzulamışdır.
Tədbirdə çıxış edən Laçın rayon prokuroru, baş ədliyyə müşaviri İlqar Səadətov müstəqillik yolunda irəliləyən Azərbaycanın bugünkü qələbələrinin siyasi və iqtisadi əsaslarını yaratmış Ulu Öndər Heydər Əliyevin düzgün ideoloji xəttinin bu gün uğurla davam etdirən ölkə başçısı cənab İlham Əliyevin ölkəmizdə demokratiya, qanunun aliliyi, vətəndaşların hüquq və azadlıqlarının müdafiəsi məqsədilə atdığı mühüm addımların bu sahədə yüksək inkişafın nəticəsi olduğunu bildirmişdir.
Tədbirdə digər çıxış edənlər də prokurorluq orqanlarının əməkdaşlarını peşə bayramı münasibətilə təbrik edərək onlara bu məsuliyyətli və şərəfli işlərində yeni-yeni uğurlar arzulamışlar.