“Azərbaycan peyvənd millətçiliyinə qarşı açıq şəkildə etirazını bildirən ölkələrdən biri idi.”

Bu gün Azərbaycan dünyada müstəqil siyasət aparan ölkələrdən biridir və öz milli maraqları çərçivəsində dünyanın siyasi arenasına uğurla inteqrasiya etməkdədir. Sözsüz ki, bu uğurlu inteqrasiya və müstəqil siyasətin həyata keçirilməsinin əsasını ölkə Prezidenti cənab İlham Əliyevin uğurlu diplomatiyası təşkil edir.
Azərbaycan dünyanın bir sıra Beynəlxalq təşkilat, qurumları ilə sıx əməkdaşlıq etməkdədir və bu əməkdaşlıq sağlam təməllər üzərində qurulmuşdur.
Bu təşkilatlardan biri də öz xarici siyasətində heç bir hərbi alyansa qoşulmamaq istiqamətini seçmiş ölkəmizin 2011-ci ildən üzv olduğu Qoşulmama Hərəkatıdır.
İyunun 30-da Heydər Əliyev Mərkəzində Qoşulmama Hərəkatı Parlament Şəbəkəsinin “Dünyada sülhün və dayanıqlı inkişafın təşviqində milli parlamentlərin rolunun gücləndirilməsi” mövzusuna həsr olunan Bakı konfransında geniş məzmunlu nitq söyləyən Prezident cənab İlham Əliyev dünyada və ölkəmizdə baş verən aktual məsələlərə toxunaraq konfrans iştirakçılarına ətraflı məlumat verdi. Ölkə Prezidenti öz nitqində ölkəmizin Qoşulmama Hərəkatında sədrliyinin COVID-19 ilə üst-üstə düşdüyünü, Azərbaycan beynəlxalq arenada bu xəstəliklə mübarizədə fəal rol oynayan ölkələrdən biri olduğunu konfrans iştirakçılarının diqqətinə çatdırdı və bildirdi ki, Pandemiya dönəmində 2020-ci ilin may ayında ölkəmiz Qoşulmama Hərəkatının onlayn Zirvə toplantısının keçirilməsi təşəbbüsü ilə çıxış etdi və keçirilən Zirvə toplantısı pandemiya ilə mübarizə ilə bağlı yaxşılaşmada səylərimizi daha da artırdı.
Eyni zamanda Dövlət Başçısı öz çıxışında vurğuladı ki, Pandemiya dönəmində Azərbaycan 80-dən çox ölkəyə maliyyə və humanitar yardımı göstərmiş, həmçinin Ümumdünya Səhiyyə Təşkilatına 10 milyon ABŞ dolları məbləğində ianə edilmiş və bu vəsaitin yarısı Qoşulmama Hərəkatının üzv dövlətlərinə birbaşa ayrılmışdır.
Ölkə Prezidenti cənab İlham Əliyevin bildirdiyi kimi, dünyanı cənginə almış Pandemiya ilə mübarizə dönəmində də Azərbaycan ədalətli mövqe sərgiləyərək peyvənd millətçiliyinə qarşı mübarizə aparmış və çətin vəziyyətdə olan ölkələrə də vaksinlərin paylanması prosesinə öz müsbət töhfələrini vermişdir.
Qeyd etmək lazımdır ki, Azərbaycan hər zaman Beynəlxalq hüququn norma və prinsiplərinə əsaslanaraq regional və qlobal məsələlərdə öz mövqeyini müstəqil şəkildə nümayiş etdirən dövlətdir.

YAP Ağdam rayon təşkilatının sədri
Mansur Quliyev