08 oktyabr tarixində Lerik rayonun da Vətən müharibəsi şəhidi mayor Ağayev Ramil Mərdan oğlunun anım mərasimi keçirilib. Lerik rayon icra hakimiyyəti başçısının birinci müavini Cəlil Baxşıyev, YAP Lerik rayon təşkilatının sədri Malik Mirzəyev, idarə, müəssisə, təşkilat rəhbərləri , ictimaiyyət nümayəndələri, Ərazi Partiya Təşkilatının fəalları və şəhidin ailə üzvləri,şəhidin məzarını ziyarət etmiş, önünə gül-çiçək dəstələri düzərək, əziz xatirələrini ehtiramla yad ediblər.

Xatırladaq ki, Ağayev Ramil Mərdan oğlu 1984-cü il dekabrın 20-də Lerik şəhərində anadan olub. Azərbaycan Ordusunun mayoru kimi 2020-ci il sentyabrın 27-də başlayan Vətən Müharibəsində Cəbrayılın və Füzulinin azadlığı uğrunda döyüşüb. Mayor Ramil Ağayev oktyabrın 8-də Füzuli döyüşləri zamanı şəhid olub. Lerik şəhərində dəfn edilib.

Azərbaycan Respublikasının Prezidenti İlham Əliyevin sərəncamları ilə Ramil Ağayev ölümündən sonra "Vətən uğrunda", "Cəbrayılın azad olunmasına görə", "Füzulinin azad olunmasına görə", "Xocavəndin azad olunmasına görə", "İgidliyə görə", "Döyüşdə fərqlənməyə görə" medalları və 3-cü dərəcəli "Vətənə xidmətə görə" , "Rəşadət" ordenləri ilə təltif edilib.

Allah bütün şəhidlərimizə rəhmət eləsin.