Mehriban xanımın diqqət və qayğısı misilsizdir - Şəhid ailələrindən TƏBRİK
Doğum günü təbriklərinə ölkəmizin ərazi bütövlüyü uğrunda şəhid olmuş qəhrəmanlarımızın ailə üzvləri də qoşularaq, birinci xanıma uzun ömür, möhkəm cansağlığı və fəaliyyətində uğurlar arzulayıblar.
Vətən Müharibəsi şəhidi Xudayar Yusifzadənin anası Radə Qurbanova açıqlamasında deyib ki, Mehriban Əliyeva nəinki şəhid ailələrinin bütün Azərbaycan xalqının yanındadır: "Doğum günü münasibətilə Mehriban xanımı təbrik edirəm. Xanım hər zaman şəhid ailələlərinin yanındadır. Nəinki şəhid ailələrinin bütün Azərbaycan xalqının yanındadır. Hazırda dövlətimiz tərəfindən Qarabağda quruculuq işləri gedir. Laçına, Füzuliyə köç başlayıb. Ağdama köç başlayasıdır. Birinci xanım bütün məsələlərlə yaxından maraqlanır. Allah ona can sağlığı versin! Ona uzun ömür və işlərində müvəffəqiyyət arzu edirik".
Vətən müharibəsi şəhidi Emin İsmayılovun anası Məlahət İsmayılova da təbriklərə qoşulub."Təbrik edirəm. Allah birinci xanımımıza uzun ömür, cansağlığı versin. Həqiqətən də, həmişə biz şəhid analarına dəstək olur. Yanımızda olur. Ölkəmizin başından əskik olmasın. Ona böyük hörmətimiz var. Bizim Prezident kimi prezident, Mehriban xanım kimi birinci xanım yoxdur. Şəhidlərə, biz analara qoyulan hörmət misilsizdir. Bizə çox böyük hörmət və ehtiram göstərilir. Bizdə şəhid ailələrinə çox gözəl hörmət qoyulur", - o qeyd edib.
"Bu gün Azərbaycan Respublikasının birinci xanımı, Heydər Əliyev Fondunun Prezidenti, l Vitse-Prezident Mehriban xanım Əliyevanın doğum günüdür. Mehriban xanımın müasir Azərbaycanın inkişafında rolu danılmazdır. Vətənimiz və onun hüdudlarından kənarda həyata keçirdiyi xeyirxah fəaliyyəti, o cümlədən şəhid ailələrinin bütün problemlərinə humanist yanaşması yüksək qiymətləndirilir. Bu nəcib əməllərinə görə Mehriban xanım Əliyevaya dərin təşəkkürümüzü bildiririk! Mehriban xanımı doğum günü münasibətilə təbrik edir, sağlam və şərəfli ömür yolunda uğurlar arzu edirik!"
Vətən Müharibəsi şəhidi Adil İbrahimlinin xanımı Nargül İbrahimli Modern.az vasitəsilə birinci xanıma arzularını çatdırıb.
"Mehriban xanım Əliyevanı ad günü münasibətilə səmimi qəlbdən təbrik edirik, ailə və iş həyatında uğurlar arzu edirik… Onun şəhid ailələrinə göstərdiyi diqqət və qayğı sadəcə misilsizdir. Bizə qarşı münasibəti əladır. Bununla bağlı söz deməyə ehtiyac yoxdur. Şəhid ailələrinə qarşı Mehriban xanımın göstərdiyi diqqət və qayğı göz önündədir", - o bildirib.
