Biz Yeni Azərbaycan Partiyasının üzvü və əsgəriyik. Partiyamız, partiyamızın rəhbərliyi nəyi məsləhət bilirsə, biz ona tabeyik.
Bunu Dovletxeberlerine açıqlamasında altıncı çağırış Milli Məclisin (MM) Aqrar siyasət komitəsinin sədri, Yeni Azərbaycan Partiyası (YAP) Veteranlar Şurasının üzvü Tahir Rzayev namizdəliyinin yenidən irəli sürülməsinə münasibətini bildirərkən qeyd edib.T. Rzayev sonra “Yenidən namizədliyimin irəli sütülməsi, növbəti dəfə etimad göstərilməsi mənim üçün böyük məsuliyyətdir və böyük şərəfdir. Çalışacağam ki, bu etimadı da öz işimlə, öz fəaliyyətimlə doğruldum. Ölkə Prezidenti cənab İlham Əliyev də bizim qarşımızda vəzifələr qoyub. Hər birimiz bu vəzifələri yerinə yetirməyə borcluyuq. İnsanlarla, seçicilərlə daha yaxından, daha sıx əlaqədə və təmasda olmalıyıq, onlarla daha çox işləməliyik, parlamentimizin fəaliyyətini daha da gücləndirməliyik. Ötən müddət ərzində üzərimizə düşən vəzifələri yerinə yetirməyə, bizə göstərilən etimadı doğrultmağa çalışmışıq. Bu dəfə də bizə göstərilən bu yüksək etimadı doğrultmağa çalışacağıq”-deyə, sözlərinə əlavə edib.
