“Gold Məkan” MMC-nin direktoru məhkəmə zalında həbs edildi – Nuranə Abdullayeva ilə bağlı məhkəmə şikayəti də gündəmdə olub
“Gold Məkan” MMC-nin direktoru məhkəmə zalında həbs edildi – Nuranə Abdullayeva ilə bağlı məhkəmə şikayəti də gündəmdə olub.
“Gold Məkan” MMC-nin direktoru Məmmədov Allahşükür Əliməmməd oğlu barəsində Nərimanov Rayon Məhkəməsində hökm çıxarılıb.
02 oktyabr 2026-cı il tarixində keçirilən məhkəmə iclasında Allahşükür Məmmədov Azərbaycan Respublikası Cinayət Məcəlləsinin 186.2.1 və 308.2-ci maddələri ilə təqsirli bilinərək 3 il 6 ay müddətinə azadlıqdan məhrum edilib. Məhkəmənin qərarı ilə o, məhkəmə zalındaca həbs olunub.
Qeyd edək ki, “Kanal15.tv.com” saytının rəhbəri və baş redaktoru Nuranə Abdullayeva da daha əvvəl zərərçəkmiş şəxslərin müraciətlərini və problemlərini ictimaiyyətə çatdırıb.
Nuranə Abdullayevanın bildirdiyinə görə, o, vətəndaşların şikayətlərini işıqlandırdığı üçün Allahşükür Məmmədov tərəfindən məhkəməyə şikayət edilib. Şikayətdə Abdullayevanın yaydığı məlumatların onun şərəf və ləyaqətinə, nüfuzuna xələl gətirdiyi iddia olunub.
Hazırda isə həmin şəxsin başqa cinayət işi üzrə məhkəmə zalında həbs olunması diqqət çəkir.
Qeyd edək ki, konkret ittiham və məhkəmə hökmü ilə bağlı məlumatlar məhkəmə sənədləri əsasında təqdim olunmalıdır.
Tərəflərin digər mövqeləri olduğu halda onların açıqlamalarını da dərc etməyə hazırıq.
