“Gold Məkan” tikinti şirkətinin direktoru həbs olunub

Baku.es xəbər verir ki, Bakının Nərimanov rayonunda yaşayış binalarının söküntüsü və yeni çoxmərtəbəli binaların tikintisi ilə məşğul olan “Gold Məkan” MMC-nin direktoru Məmmədov Allahşükür Əliməmməd oğlunun həbs edildiyi bildirilir.

Bu barədə Bakues.az-a daxil olan məlumatda qeyd olunur ki, Allahşükür Məmmədov Azərbaycan Respublikası Cinayət Məcəlləsinin 186.2.1 və 308.2-ci maddələri ilə təqsirli bilinib.

Məlumata görə, 2 oktyabr 2026-cı il tarixində Nərimanov Rayon Məhkəməsində işə baxılıb. Məhkəmənin qərarı ilə ona 3 il 6 ay müddətinə azadlıqdan məhrum etmə cəzası təyin edilib və o, məhkəmə zalında həbs olunub.

Qeyd edək ki, məlumat sosial şəbəkədə yayılan paylaşım əsasında hazırlanıb.  Məsələ ilə bağlı qarşı tərəfin mövqeyini dərc etməyə hazırıq.