Bu gün 44 günlük Vətən müharibəsində şəhid olmuş Abbaslı Elgin Agayar oglunun şəhadətə qovuşmasının ildönümüdür.Torpaqlarımızın azadlıgı,ərazi bütövlüyümüzün bərpası ugrunda gedən döyüşlərdə şəhidlik zirvəsinə ucalmış Qəhrəmanımızın məzarı rayon ictimaiyyəti nümayəndələri tərəfindən ziyarət edildi.
Tədbirdə çıxış edən millət vəkili Mahir Abbaszadə,YAP Laçın rayon təşkilatının sədri İlqar İlyasov,ziyalılar,agsaqqallar, ictimaiyyət nümayəndələri Şəhidin keçdiyi döyüş yolundan,44 günlük Vətən Müharibəsinin möhtəşəm qələbəsindən bəhs etdilər. Çıxış edənlər bildirdilər ki, 44 Günlük Vətən müharibəsində Müzəffər Ali Baş Komandan, cənab Prezident İlham Əliyevn rəhbərliyi ilə Rəşadətli Azərbaycan Ordusu yeni tarix yazdı.30 ilə qədər düşmən tapdagında qalan dogma torpaqlarımız düşməndən təmizləndi,azad edildi.
Tədbirdə Laçın rayon 21 nömrəli tam orta məktəbin şagirdləri Qəhrəmanlarımıza həsr edilmiş şerlər söylədilər, kompozisiya nümayiş etdirildi.
Sonda şəhidin atası Agayar Abbasov çıxış edərək oglu Elgizin Qəhrəman övlad kimi Vətən ugrunda şəhid oldugu ilə qürur duydugunu bildirdi.
Həmçinin şəhid ailələri, qazilər,döyüşçülərə göstərilən diqqət və qaygıya görə Azərbaycan Respublikasının Prezidenti cənab İlham Əliyevə dərin minnətdarlıgını bildirdi.
Elgin Abbaslı 16 may 1991-ci ildə Laçın rayonunun Dəyhan kəndində dünyaya göz açmışdır.
1992-ci ildə Laçın işğal olunduğu üçün ailəsi ilə birgə Sumqayıta köçmüş,Sarıqaya qəsəbəsində məskunlaşmışlar.
Orta təhsilini aldıqdan sonra Elgin hərbi xidmətə yollanmışdır. Uşaq yaşlarından hərbçiliyə marağı olduğundan hərbi xidmət müddəti bitdikdən sonra, 2014-cü ildə müddətdən artıq həqiqi hərbi xidmət qulluqçusu olmuş, hərbi xidmətini davam etdirmişdir. Pirəkəşküldə yerləşən hərbi hissədə tibb bölüyündə xidmət etmişdir.
MAHHXHQ əsgər Elgin Abbaslı 27 sentyabr 2020-ci ildən başlayan Vətən Müharibəsində iştirak etmiş, Cəbrayılın, Füzulinin, Zəngilanın, Qubadlının və Laçının azad edilməsi uğrunda gedən döyüşlərdə vuruşmuş, yaralıları döyüş meydanından çıxarmışdır. Noyabr aylarının əvvəllərindən başlayan Şuşa döyüşlərində də iştirak edən Elgin Abbaslı 10 noyabr 2020-ci ildə Şuşa istiqamətində döyüş tapşırığını yerinə yetirərkən şəhid olmuşdur. Sumqayıt Şəhidlər Xiyabanında dəfn edilmişdir.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatıldığı və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Elgin Abbaslı ölümündən sonra "Vətən uğrunda" medalı ilə təltif edildi.
Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Elgin Abbaslı ölümündən sonra "Füzulinin azad olunmasına görə" medalı ilə təltif edilmişdir.
Vətən ugrunda şəhid olan Elgin Abbaslının digər təltifləri də dövlətimiz tərəfindən qəhrəmanımızın döyüş şücayətinə verilən fəxri qiymətdir.
Allah bütün şəhidlərimizə rəhmət eləsin!