2025 - ci il 8 noyabr Zəfər gününün beşinci ildönümünün qeyd edilməsi ilə bağlı Laçın Rayonu İcra Hakimiyyəti başçısının şəhər, qəsəbə və kənd inzibati ərazi dairələri üzrə nümayəndəliklərin tədbirlər planına uyğun olaraq, 3 noyabr 2025-ci ildə Əhmədli nümayəndəliyinin təşkilatçılığı və nümayəndəliyin sakinlərinin, 1-ci Qarabağ müharibəsinin iştirakçıları və şair Nazim Əhmədlinin iştirakı ilə dəyirmi masa təşkil edilmişdir.
Tədbiri giriş sözü ilə açan Əhmədli kənd İƏD üzrə nümayəndə 1-ci Qarabağ müharibəsi iştirakçısı Əsəd Muxtarov 27 sentyabr 2020-ci ildə başlanmış vətən müharibəsində ölkə başçısı İlham Əliyevin komandanlığı ilə istər diplomatik, istərsə də döyüş sahəsində ölkəmizin qazandığı böyük qələbədə hakimiyyət- xalq- ordu birliyinin əzmkarlığını xüsusi qeyd edərək bildirdi ki, hegemon dövlətlərin, beynəlxalq təşkilatların tutduğu ikiüzlü, ədalətsiz mövqeə baxmayaraq ölkə başçısının Dəmir Yumruğu , ordumuzun möhtəşəm hərbi hazırlığı nəticəsində ədalət öz yerini tapdı.
Şair Nazim Əhmədli el-oba, vətən həsrəti ilə yazdığı şeirlərində səsləndirərək hərkəsi həm kövrəltdi həm də sevindirdi. Və çıxışının sonunda vətən həsrəti bitdiyi üçün həsrət dolu şeirlər yazmacağını bildirdi.
Daha sonra çıxış edənlər 28 ildən sonra onlara doğma vətənə qayıtmağı onlara bəxş etdiyinə görə ölkə başçısı cənab İlham Əliyevə və Azərbaycan ordusunun hər bir əsgərinə öz minnətdarlıqlarını bildirdirdilər.
Tədbirdə 1-ci Qarabağ müharibəsinin Əhmədli kənd şəhidləri və eləcədə bütün şəhidlər ehtiramla yad olundu. Eləcədə I Qarabağ müharibəsi şəhidi Nəcəfov Şamil Qabil oğlunun anası Nəcəfova Bəsti Hüseyxan qızı ( xəstə olduğu üçün tədbirdə iştirak edə bilməmişdir) ilə danışıq zamanı oğlunun qəhrəmanlıqları, müharibədə göstərdiyi şücaətləri qürurla bildirilmişdir.
Qəhrəman şəhidlərimizin keçdiyi şərəfli döyüş yolu barədə digər xatirələr yad edilmişdir.
Allah şəhidlərimizə rəhmət eləsin.